AS
MALETAS DA FUNDACIÓN CELA CHEGARON AO NOSO COLEXIO!!!!
O
primeiro día despois das vacacións de Nadal,
esperábanos unha sorpresa: había tres maletas que os
nosos alumnos foron abrindo segundo lle correspondía e levaron
todos unha grata sorpresa ao comprobar que se trataba de diferentes
obxectos relacionados co noso Premio Nobel de literatura Camilo
José Cela.
Cada
grupo traballou coa súa maleta de forma diferente:
Os
máis pequeniños escoitaron o conto coa intervención
das súas profes e os bonecos que tanto lles gustan. Tamén
fixeron unha careta de poliño tan propia do tempo de entroido,
e como non, gustoulles ver e tocar todo o que había dentro da
mesma.
Os
de primeiro e segundo ademais de rebuscar na maleta tamén
andiveron a voltas coas “letras revoltas” e mesmo fixeron un
contiño moi orixinal.
Os
maiores rebuscaron na maleta, escoitaron con moita atención o
que lles contou a profe do autor e da súa obra e fixeron unha
redacción sobre el para o día seguinte.
Finalmente,
todo o colexio participou nunha especie de “collage” coa cara de
Camilo José Cela.
No hay comentarios:
Publicar un comentario